Josie Newman – Milk Shake

Dagana 25.–27. september fengum við hjá Ison til okkar hina hæfileikaríku Josie Newman, alþjóðlegan fræðara hjá milk_shake, sem hélt glæsilega sýningu og verkleg námskeið fyrir íslenskt hárgreiðslufólk.

Viðburðurinn hófst á föstudagskvöldi með glæsilegri hársýningu þar sem Josie kynnti nýjustu strauma og stefnur í klippingum og litun. Með henni á sviðinu var Klara Ívars sem tók þátt í sýningunni. Um 60 gestir mættu og nutu kvöldsins í skemmtilegri stemningu.

Á laugardegi og sunnudegi tóku síðan við verkleg námskeið þar sem þátttakendur fengu tækifæri til að læra nýja tækni og vinnubrögð undir leiðsögn Josie. Mikil áhersla var lögð á skapandi litun, klippingar og aðferðir sem nýtast í daglegu starfi á hárgreiðslustofum.

Við erum ótrúlega ánægð með viðtökurnar og viljum þakka öllum sem mættu og tóku þátt í að gera þessa daga svona eftirminnilega. Við viljum einnig færa Klöru Ívars sérstakar þakkir fyrir hennar framlag á sviðinu og öllum þeim sem aðstoðuðu okkur við undirbúning og framkvæmd viðburðarins.

Við hlökkum til að halda áfram að bjóða íslensku hárgreiðslufólki upp á spennandi fræðslu og námskeið með framúrskarandi fagfólki úr greininni.